Song
أربط حزامك - مهنا العتيبي & سعدون ضبيعان العريبي | مسرى ليلنا بأوله 2026
About this Song
بديت في مالك الأملاك رب الوجود اللي خلق كل شي ودبره واكفله منشي مزونٍ يعيش بسيلها كل عود ومجري رياحٍ تهب بقدرته مرسله ياهاجس الشعر مسرى الليل مابه ركود اربط حزامك ومسرى ليلنا ب أوله جاك الطلب واقدح الافكار قدح الزنود برسالةٍ جابها المرسول مستعجله طموحي اللي براسي فيك ماله حدود ماينزل البيت منك الأ على منزله في محفل الشعر سهمك دايماً في صعود كل الجماهير والنقاد ما تجهله إصرف جنيه المعاني مثل صرف النقود وابدع بيوتن بها الأفكار متسلسله من يملك الموهبه يلقى لشعره شهود والشاعر المقتدر نظمه كما السلسله شعرِ ماياخذ صدى بالذاكره ما يسود لو يطرب السمع راع العرف ما يقبله حان الوعد يابو جابر مانسيت الوعود والرجل كانه عطى ميعاد ما يهمله في واجبك قلت تبشر تم وارق بسنود والمطلب اللي على الخاطر علي إزهله في فرحة خضير أشارك وأستحث الجهود في شعر يكسب رضا هاويه ومحلّله يا مرحبا عد ماطافوا بمكه حشود كلٍ يبي مغفرة ربه وجد عمله واعداد ماأدى المصلي من ركوع وسجود وترتّل المسلمين آياته المنزله واعداد برقٍ تكاشف وأرزمن الرعود عند احمد خضير باللي شرفوا محفله يباركون ويزفون التهاني وفود لفوه تقدير و التقدير يستاهله وأهل الوفا ما ترد الطيبه بالجحود يازين رد الوفا في حزّته لأهله واحمد سناد الخوي ياعل عمره بزود باخلاقه الطيبه والعرف و المرجله رجاحة العقل به ميزه وطبع محمود ومن يقصده في بشاشة وجه يستقبله خذا الصفات الحميده ورث من راس عود ابو حمد ياعسى الفردوس هي مدهله ياخضير خالك على واجبك ماله صدود الشعر من مصدره جاب أصدقه وأجمله تارد نوادر ضميري مثل ورد العدود البيت لجل البناخي من صميم أفتله ومبروك ياخضير يا جعل السعاده تزود عسى زواجك بها الافراح مسترسله بأمر الله المعتلي حلاّل صعب العقود يطول عمرك ومافي خاطرك تكْمله وعسى زمانك بما يسعد حياتك يجود بأيامك الحاضره وأيامك المقبله والله يحميك من شبحة عيون الحسود ويوفّقك في طريق الخير ويسهّله وتسلم ياجابر عضيد خضير واف العهود حزام من يحتزم بك ساعة المعضله على إخطى والدك تمشي بعزم وصمود مواقفك كلها نوماس ومجمله واعداد سير القوافل صادرات وورود صلوا على من بعثه الله لنا وارسله جانا بدين الهدى بأمر الرحيم الودود جبل هل الشرك خلاّ أعلاه تحت اسفله
أربط حزامك - مهنا العتيبي & سعدون ضبيعان العريبي | مسرى ليلنا بأوله 2026Riya Daryanani
0:009:40